Inauteriko txerri hankak

Amorebieta-Etxanoko Euba auzoan inauterietan antzina baserrietan jaten zen platerra da hau. Plater sendoa eta berezia. Oso landua. Gaur egungo gazte gutxik prestatzen dakitena. Ea antzinako errezeta hau gure artetik galtzen ez dogun. Hona hemen probatu nahi duenarentzat errezeta. Errezeta hau Mari Nieves Bastero zornotzarrari esker plazaratu dogu. Mari Nievesen ama eta amamaren jakintza gastronomikoa zabaltzeko.

 

 

Osagarriak

  • 2 txerri hanka
  • 2 kipula txuri
  • 2 porru
  • 8 piper txorizero
  • Irin apur bat
  • 125 gr. tomate saltsa
  • Piper bat
  • Gatza
  • Oliba olioa

  • Zailtasuna Erdi mailakoa
  • Denbora Ordu bat
  • Anoak 4 lagunentzako



Pausuak

  • 1. 
    Lehenengo txerri hankak garbitu eta egosi egingo ditugu. Lapikoan porrua, kipula eta gatza jarriko ditugu txerri hankak egosteko. Osagai hauek ordu ½ inguruz presio-lapikoan egosiko ditugu.
  • 2. 

    Ondoren lapikotik txerri hankak atera eta hotzitzen utziko ditugu.

  • 3. 
    Txerri hankak hoztu eta gero, hezurrak kendu dizkiegu astiro-astiro. Gero saltsa prestatuko diegu.
  • 4. 
    Denbora eta gero prest egongo dira Inauteriko Euba modura egindako txerri hankak.
  • 5. 
    Saltsa prestatzeko kipula jarriko dugu olioa duen zartagin batean. Kipula sueztitu ondoren,  uruna, tomatea, piperra, piper txorizeroen okela eta gatza gehituko dizkiogu. Barazkiak eginda eginda direnean guztia irabiatu eta txerri hankei gehitu diogu bere saltsa. Saltzakaz batera  txerri hankak su txikian jarriko ditugu beste 10 minutu egosten.