Oiz Egin

TEL. 94 620 36 11
info@oizegin.com



Otarrain entsalada

Otarrain entsalada. Gabonetarako errezeta elegantea. Juantxu Larruzearen errezeta gozoa benetan. Ausarta izan eta prestatu. Ez da batere zaila.

Osagarriak

  • 2 otarrain buztanak
  • Letxuga nahasketa
  • Espinakak
  • 200 gr gatza
  • Ozpin-olioa
  • Izotza
  • Kontserbako baba berde txikiak 50 gr.
  • 100 ml esnegaina
  • Maionesa
  • Ozpina
  • Ahuakate laurdena
  • Tomate laurdena
  • Tipula laurdena
  • Piper gorri laurdena

  • Zailtasuna Ertaina
  • Denbora 45 minutu
  • Anoak 10 lagunentzako



Pausuak

  • 1. 
    Otarrain kongelatuak erabiltzen baditugu, giro-tenperanturan deskongelatu. Lapiko handi batean ura irakiten jarri, 200 gr. gatza gaineratuz. Ura epela dagoenean otarrainak uretan sartu. Ura irakiten hasten denetik otarrainak 12 minutuz egosi.
  • 2. 
    Otarrainak egosten direnean, uratik atera eta izotz-uretan sartu. Bertan minutu batzuk eduki. Gero otarrainak zuritu. Modu erraz batean zuritzeko, artaziak erabili, izkinetatik moztu, eta gero eskuz zuritu. Otarrainek azala nahikoa gogorra da.
  • 3. 
    Beste alde batetik, era askotako letxugak ozpin-olioz eta gatzaz gozatu, entsaladarako bezala.
  • 4. 
    Jarraian, otarrainak xerratuko ditugu medailoiak ateraz. Otarrainen zatitxo batzuk maionesagaz nahastuko ditugu.
  • 5. 
    Bestetik, espinakak ur berotan galdarraztatu 3 minutuz. Ondoren, minutu batez izotz-uretan sartu eta atera. Jarraian, katilu batean jarri, oliba olio pixka bat bota, esnegain apur bat, maionesa eta ozpin ukitu bat. Guztia irabiatu ondoren, entsaladaren oinarria izango dugu.
  • 6. 
    Dagoeneko, entsalada apaintzen hasiko gara. Plater txuri zabal batean, lehenik espinaka krema apur bat jarriko dugu. Ondoren, era askotariko letxuga onduak  baba berde txikiekin jarriko ditugu.
  • 7. 
    Letxugen gainean otarrain zatitxoak maionesagaz lagunduta prestatu dugun nahasketaren koilarakada bat, eta bukatzeko, otarrain medailoia. Entsalada ozpin-olioz onduko dugu.
  • 8. 
    Ozpin-olioa ahuakate, tipula, piper gorri, eta tomate laurdenekin prestatuko dugu. Hauek txiki-txiki moztu eta ozpin-olioa gaineratu. Olioa beti ozpinaren kantitate bikoitza bota beharko dugu.

Argazki galeria

Produktuak

Jatetxeak

  • <h1>Ondarroako Batzokia</h1>

    Ondarroako Batzokia

    Ondarroako Batzokia Sabin Etxaburu sukaldariak zuzentzen du. Jatetxe honek sukaldaritza…
  • <h1>Mahaiganeko Jatetxea</h1>

    Mahaiganeko Jatetxea

    Mahaiganeko Jatxetxea Mendexako plazan. Argoitz San Martin sukaldari gazteak zuzenduriko…
  • <h1>Saltsan Katerin Durango</h1>

    Saltsan Katerin Durango

    Katerin zerbitzu zabala eskaintzen duen ostalaritza enpresa. Durangoko Kurutziaga kalean…
  • <h1>Kob´s Gastrobar</h1>

    Kob´s Gastrobar

    Kob´s Gastrobar berria Durangon. Durangoko Kobika Jatetxearen sarreran. Goi mailako…
  • <h1>Plateruena Kafe Antzokia</h1>

    Plateruena Kafe Antzokia

    Plateruena Kafe Antzokiak ostalaritza zerbitzu on bat baino gehiago da.…

logooiz

Gertakaririk gabe

Bilatu-errezetak

Osagarri nagusiak

Bigarren mailako osagarriak

Prestatzea

Sukaldaria

Buletina

Eguraldia