Pausuak

• 1. Arrautzak egosi tenperatura baxuan. Behin egosita txuringoa eta gorringoa bananduko ditugu.
  
• 2. Txorizoa sikatu eta hauts egin arte birrinduko dugu. Gorringoak txorizo hautsagaz aurrena eta gero tenpura fin bategaz lohitu eta frijituko ditugu gorringoak.
  
• 3. Patata bat uretan egosi. Patata zuritu, txikitu eta trufa olioaz lagunduta krema fin bat prestatuko dugu. Gorringoak frijituta ditugunean, xiringa bategaz gorringoak bete patata kremagaz.
  
• 4. Ogia xigortuko dugu. Hirugiharra frijituko dugu ondoren. Ahal dugun olio gehiena kenduko diogu hirugiharrari. Gero, ogi xigortua eta hirugihar frijitua birrindu hauts marroixka bat lortu arte: hirugihar lurra, hain zuzen ere.
  
• 5. Beste patata egosiko dugu baita ere, zuritu eta txikitu egingo dugu zati oso txikitan. Honekin patatagaz egindako talo antzeko bat egingo dugu. Ondoren, talotxoa frijitu.
  
• 6. Ezkur-urdaiazpikoa esne-gainan busti eta egosi. Saltsa su baxuan egosi bera urritu eta loditu arte.
  
• 7. Pintxoaren muntaia: Lehenik patata talotxoa plater erdian jarriko dugu. Ondoren, hirugihar lurra jarriko dugu. Gainean eta pintxoaren buru patataz beteriko arrautz gorringoa jarriko dugu. Guzti honen inguruan, itsaso txuri bat bailitzan, esne-gaina. Pintxoaren itxura itsasoan ur gainean dagoen arrautz irla baten itxura du: Island´s egg. Txunditzeko modukoa!